इशक म्हारौ इ right है !

राम राम सा !

होळी घणी दूर कोनीं । सगळां रौ मूड मौज-मस्ती रौ होवणो शुरू हो'ग्यो है । तो आज एक हास्य ग़ज़ल आप सब री निजर है सा

इशक म्हारौ इ right है

चिगावै whole day  तूं अर रुवावै whole night  है !

हुयो,one way इशक कारण म्हारौ हुलियो कीं tight  है !

घडी लागै कै तिर जास्यूं, घडी लागै कै रुळ जास्यूं 

हुया ढीला किस्योडा fuse, जग-बुझ क्यूं आ light  है ?

लगायां gel चुपड़्यां cream कैवै काच proud सूं 

रंगीला ! जा, जनान्यां में था'रौ future तो bright  है !

अड़ै mouse हरखतो जाय' था'रै blog  सूं म्हारौ

पड़ै ठा' click  कर्'यां सूं ; तूं किणी दूजै री site  है !

पटावण नैं थनैं बेलूं म्हैं पापड , दंड ई पेलूं

ज़मानै भर सूं माथाफोड़णी , घर में इ fight  है !

किस्यो ठेको है मजनू रोमियै रांझै रौ इण love  पर ?

न समझूं wrong-right  म्हैं, इशक म्हारौ इ right है ! 

तूं दीदा फाड़ एकर देख ! राजिंद में कमी के है ?

अरे ! society में कीं न कीं म्हारी ई hight है !

-राजेन्द्र स्वर्णकार

©copyright by : Rajendra Swarnkar   
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

ग़ज़ल दाय आई आपनैं ?

आस करूं आप सब राजी-ख़ुशी हुस्यो ।
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

होळी री

आगूंच बधाई

घणी-घणी मंगळकामनावां !

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥